بسم الله الرحمن الرحيم
ازيكم يا
حلوينJ
انا شوفت
كتير ناس بيسألوني عن ازاي نذاكر و ان انا ذاكرت ازاي قدرات و ايه الخطوات اللي
عملتها عشان اتخطى امتحان القدرات
انا بفضل
الله تعالى اخدت ف المرة الأولى 97% و ف المرة الثانية 99%
و الموضوع و الله ما كانش صعب ابدًا بل بالعكس كان مسلي بس بحب اطمنكم
سواء ولد أو بنت لسة ما خضوش تجربة القدرات اوعوا تخافوا و تاخدوا الموضوع على انه
هاجس و كابوس و الله الموضوع مش محتاج كل الرعب ده الموضوع محتاج شوية مجهود و كل
حاجة تبقى تمام ..
طبعًا فيه عده نقاط مهمة لازم تاخد او تاخدي بالك منها و هتكلم عنها بالتفصيل بعد كده
طبعًا فيه عده نقاط مهمة لازم تاخد او تاخدي بالك منها و هتكلم عنها بالتفصيل بعد كده
·
طيب انا مبتدئ \ مبتدئة .. ازاي ابدأ مذاكرتي للقدرات ؟
·
ازاي انظم وقتي و مذاكرتي ؟!
·
ازاي اختار الكتب و لو اخترتها ازاي اذاكرها ؟
·
هل من الضروري ان آخد كورسات ؟ و هل هي بتنفع و لا بس تضييع وقت
·
ايه المصادر المهمة اللي بذاكر منها قدرات ؟
·
آخر الأيام قبل الامتحانات بأسبوع ازاي انظم وقتي و ازاي أذاكر ؟
أولًا : •انا مبتدئ \
مبتدئة .. ازاي ابدأ مذاكرتي للقدرات ؟
ف الأول خالص لو
كنت ف بداية المشوار .. مالكش دعوة بالأسئلة خالص .. ابدأ بمعرفة القوانين و حفظ
كلمات فقط
القوانين المهمة
جدًا هتلاقيها ف كتاب اسمه "رام 1"
لبهاء فوزي ابو زيد
الكتاب ده انا
بشوف فيه قوانين مهمة جدًا
بالنسبة للكلمات
ف المصادر كتير بس اهمها و اللي شوفت بيجي منه كتير
كتاب " طريق
الوصول الى 100% في اختبار القياس " لـ عبد الرحمن عكاشة .. بعيدًا عن
ان الكتاب فيه غلطات ف الاسئلة ولكن الكلمات اللي فيه مهمة جدًا و لازم تتحفظ صم
حوالي .. 219 كلمة :D
ناهيك عن باقي
المصادر انا مش بأحصرك ف المصادر ديه بس .. و لكن بنبه عليها عشان كانت مهمة جدًا
بالنسية لي
يعني دلوقتي
عرفنا اول خطوة بنعمل ايه ... بنحفظ قوانين و كلمات .
ثانيًا :ازاي انظم وقتي و مذاكرتي ؟!
دايمًا ابقي خلي
معاك او معاكي دفتر اي حاجة تقابلك دونيها و الموضوع ده مهم جدًا جدًا لأن مينفعش
تقابلك حاجة و بعدين تقول خلاص خلاص هفتكرها ده انت بالتأكيد هتنساها
و حطوا قسمين
قسم كمي و قسم لفظي
اللفظي سجلي فيه
معاني كلمات صعبة قابلتك او تناظر كان صعب او فيه فكرة
و الكمي ممكن
قوانين او اسئلة فيها افكار و كده
و ضروري الدفتر
ده
و بعدين تسألوني
عن تنظيمي لوقتي فهو كان اني بأرجع من المدرسة انام لحد العصر و من العصر للمغرب
بذاكر مدرسة و بعدين من العشاء لحد الساعة 10 او 11 كنت بأذاكر قدرات
ثالثًا : ازاي اختار الكتب
و لو اخترتها ازاي اذاكرها ؟
احنا قولنا ان
اول خطوة حفظ قوانين و كلمات بعد ما تخصل الخطوة ديه و هي اساسًا بتفضل معانا
للنهاية بس بعد ما نجتاز كمية كبيرة منها ننتقل على اسئلة الكتاب لأنها بتكون
مبسطة و مشروحة نذاكر بقى اسئلة الكتب و اي سؤال مش فاهمينه او كده تحطوه على
جروبات القدرات و الجروبات و الحاجات ديه كلها هقول عليها ف النقطة بتاعة المصادر
اهم حاجة دلوقتي ان احنا نعمل ايه نذاكر الاسئلة بتاعة الكتب و انت مش هتصدق او
هتصدقي نفسك لما تفرحي بكتاب انك خلصتيه J و تروحي للكتاب اللي
بعديه و هكذا
رابعًا : هل من الضروري
ان آخد كورسات ؟ و هل هي بتنفع و لا بس تضييع وقت
الكورسات كانت
بالنسبة لي مهمة مهمة مهمة جدًا لأنها نقلتني نقلة فكرية كبيرة هم ف الكورسات ماكانوش
بيدوكي اسئلة و يسكتوا لأ دول كانوا بيعلموكي ازاي تحلي السؤال أي كان نوعه أو
شكله .. و كانوا بيعلموك ازاي تحل السؤال و بأبسط طريقة كمان ف لو انت ف الرياض او ف مكان قريب من الرياض يبقى هتفوت
نص عمرك لو ماروحتش كورسات .. انا كان بيني وبين الرياض ساعتين تقريبًا بس كنت
بأروحها كل أربعاء و خميس آخد كورسات هناك J
و هنبّه
عالكورسات ديه ف النقطة الجاية
خامسًا : ايه المصادر
المهمة اللي بذاكر منها قدرات ؟
بالنسبة للمصادر
اللي أنا عارفاها :
الكتب :
1-
كتاب "الفريد في القدرات " لـ أسامة
علي متولي (لفظي بس ماعرفش هل فيه منه كمي و لا لأ بس اللفظي هو اللي مشهور )
2-
كتاب "رام " بأجزاؤه
طبعًا لـ بهاء فوزي أبو زيد (كمي و لفظي )
3-
كتاب " طريق الوصول الى 100% في اختبار القياس " لـ عبد
الرحمن عكاشة (كمي و لفظي )
4-
كتاب "الأمين" لـ د.مجدي
أمين كتبي و د.مروان أمين كتبي (كمي و لفظي )
5-
كتاب " النبراس " لـ أستاذنا
الكبير : حسن حسانين J
(لفظي )
6-
كتاب " المميز في القدرات " لـ أ. خالد
حمدي ( لفظي )
7-
طبعًا كتاب
كلنا عارفينه هو مش أوي يعني بس بيفيد كتاب " قدرات "
لـ أ. فهد البابطين (كمي و لفظي )
8-
مذكرة مهمة
جدًا جدًا مفيدة جدًا جدًا هي مش موجودة
الا ف الرياض بس ممكن بقى انتم تدوروا عليها ف النت لو انتم بعيد او تجبوها عن
طريق حد لأنها مهمة و هي " سلسلة النور " لـ أ.أيمن
عبد العظيم
تقريبًا ديه الكتب يعني اللي كنت بأذاكر فيها و
فيه كتب غيرها كتير و أكترها بيكون موجود ف مكتبة جرير J
الكورسات :
1- أنا كنت باخد كورس ف
الرياض و هو ده اللي نقلني نقلة كبيرة بعد ربنا سبحانه و تعالى ربنا يسعدهم و
يخليهم كل الأساتذه اللي درسونا ف الكورس ده و مديرنا العزيز طبعًا استاذ علاء صقر
J
اسمه
" اتحاد المعلمين المصريين " طبعًا هو ف الرياض
رقمهم 0599947044
بيبقى كل
اربعاء و خميس من الساعة 4 العصر لحد 8 بليل
ساعتين
كمي و ساعتين لفظي و ماحدش يستهين بالكورسات ديه يا جماعة لأنها مهمة جدًا حتى لو
كنت مثلًا مش من الرياض بس الرياض قريبة منك بينك و بينها مثلا ساعة او ساعتين
ابقي روحي
ده كروكي
الموقع اللي بيدوا فيه الكورس للبنات اما الولاد بقى مش عارفة يبقوا يسألوا هو
قريب من البنات
المدرسين :
طبعًا هم
كتير ربنا يخليهم أكترهم اللي هقول عليهم كانوا بيدرسوني ف اتحاد المعلمين لولاهم
بعد ربنا سبحانه و تعلى لما وصلت لاني اتخطى تجربة القدرات ربنا يسعدهم و يوفقهم
كلهم من
الرياض طبعًا
1- أ.همام القاضي ( كمي ) : 0507102080
2- أ.أحمد البلتاجي (لفظي) : 0502739744
3- أ.محمد النجار (كمي) : 0565188926
4- أ.محمد صقر (كمي ) :0551109025
5- أ.عبد الخالق سلطان (كمي) : 0507991915
6- أ.خالد عبد الواحد (لفظي ) :0506981443
7- أ.جمال عويس (لفظي ) : 0507806071
8- أ. حسن حسانين ( لفظي ) :0507781938
9- أ.أيمن عبد العظيم : 0556543357
و فيه كتير
بس هم دول اللي معايا ارقامهم J
المواقع : طبعًا الجروبات اللي على الفيس بوك
1- جروب المميز و
المتميز ف القدرات :
و طبعًا الصفحة اللي تابعة ليه و هي بتنزل كل يوم أسئلة و تجميعات و
كده
2- جروب قدرات المحمود
لفظي :
3- جروب تجميع و نقاش
أسئلة القدرات العامة :
4- جروب نحو القمة في
القدرات
5- جروب تجميع أسئلة البنات 1434 - الفترة الأولى:
6- جروب تجميع أسئلة البنين 1434 - الفترة الأولى:
7- جروب نحو القمة في
القدرات اللفظي
و كمان منتديات يزيد مهمة كتير و فيها كل حاجة و فيها التجميعات كلها
:
موقع قياس و هو بيقدم اختبارات تجريبية و اسئلة تدريبية مهمين بيجي
منهم أحيانًا اسئلة ف الامتحان
كده تقريبًا
خلصت المصادر اللي عندي
خامسًا : آخر الأيام قبل
الامتحانات بأسبوع ازاي انظم وقتي و ازاي أذاكر ؟
ماتحاوليش \
ماتحولش تراجع اي كتاب او كده انتم حلوا اسئلة حلوا حلوا و أهم حاجة ف الأيام ديه
التجميعات كلها و ممكن تلاقوها على منتديات يزيد او ف الجروبات و كمان الاختبارات و الاسئلة التدريبية اللي على
موقع قياس وممكن تاخد حصة مراجعة عند استاذ او كده للأسئلة اللي وقفت معاك .. و ف
الآخر المهم دعاء ربنا سبحانه و تعالى و اتوكلوا عليه و مافيش حاجة صعبة على
الخالق سبحانه خدوها مشوار تحدي بينكم و بين الامتحان ده
و بإذن الله
الجميع ياخد 100% و نفرح بيكم كلنا و تححقوا كل اللي بتتمنوه ^_^
®جميع الحقوق محفوظة : إيمان اليماني
