الإسقاط النجمي Astral Projection

في الاول هو جسم الانسان على قول الباحثين في هذا المجال هو في الاساس جسمين الجسم المادي و الجسم الاثيري و الجسم الاثيري هو عبارة عن نسخة من الروح و خلي بالك اني قولت نسخة يعني مش الروح اساسا ديه نسخة منها و هو اللي بيخرج اثناء نومك لما تيجي تحلم لدرجة ان بعض الاحلام بتبقى واضحة كأنها حقيقة ... قال تعالى ( اللَّهُ يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا) . طبعا و لما يجي يخرج أثناء الاسقاط النجمي أو أثناء النوم بيبقى رابط بينه و بين الجسم المادي بحبل فضي أو celver cord وظيفته انه ينقل المعلومات و الطاقة بين الجسد الأثيري و الجسد المادي عشان كده لما يرجع جسدك الأثيري تاني بعد النوم بتفتكر الأحلام

فالاسقاط النجمي أو astral projection ببساطة هو قدرتك انك تخرج الجسم الاثيري ده من الجسم المادي و انت واعي مش و انت نايم و اي مكان تفكر فيه تقدر تروحوا باستثناء عالمين ( عالم الملائكة و الشياطين ) و ( و عالم الله و الجنة والنار ) و الحااجات اللي ما فوق حواسنا و فوق تخيلاتنا بس تقدر تفكر انك تروح الفضاء .. باريس ... اسبانيا .. او حتى مارينا .. او حتى عندكم في الصالة او المطبخ :)

و انا من وجهة نظري مش شايفة فيه اي شركيات على حد قول بعض الناس لأن لم يوجد فيه اي توكل او استعانة بغير الله او حتى خزعبلات هلامية قولية :p ( ايه اللي انا بقوله ده )

المهم البتاع الاسقاط ده ليه تدريبات معينة بتتعمل لفتح مراكز الطاقة و حاجات أخرى لمدة اقلها اسبوعين فيه طبعا تدريبات متنوعة

من أعراض الدخول فيه : الاحساس بهلوسة في البداية و الشعور بتجمد اطرافك و الارتعاش والاحساس ابالإرتفاع و سماع اصوات مخيفة ... أنا لا اجزم اني دخلت في الاسقاط النجمي ككل بس دخلت في هذه الاعراض من سنة تقريبا و بعدين خفت و حسيته حقيقي و قطعت عنه بعد كده ... اقتناعي بيه الى الآن بنسبة 60% :D



http://www.youtube.com/watch?feature=player_embedded&v=0yXdCaq2iKs